بسم الله الرحمن الرحيم السلام عليكم ورحمة الله وبركاته
|
<b>1
واحد الراجل خارج من لوزين، وهو يتعرض ليه واحد الشفار هلكو مزيان وخدا ليه الخلصة ديالو
من بعد 15 يوم، كان الراجل خارج عاوتاني من لوزين، وهو يتعرض ليه نفس الشفار
يالله بغى يعطيه قتلة ديال العصا تاني، وهو يقول ليه الراجل: حبس أخويا، هاك الخلصة ديالي، بلا ما تضربني
شد من عندو الشفار الفلوس، وبقا عليه حتى سلخو
قال ليه الراجل: الله يا خويا، عطيناك الفلوس وهلكتينا
قال ليه الشفار: أنا ندي شي حاجة بعرق كتافي
------------------------------------------------------------------------
هادا واحد الشيفور كان غادي بالكار وجالسة مرا شارفة ف القدام
شوية عطات ليه المرا الشارفة شي لوز، وهو ياكلو
شوية تاني، عطات ليه المرا الشارفة شي لوزات وكلاهم
المرة التالتة، مدات ليه المرا الشارفة اللوز، وهو يقول ليها: بارك الله فيك أ الوالدة، ولكن خلي لراسك شوية د اللوز
قالت ليه المرا الشارفة: لا أوليدي، راني ما عندي سنان، وبركة عليا كنمص السكلاط اللي داير بيهم
------------------------------------------------------------------------
3
هادوا تلاتة ديال الصحاب تفارضو فدجاجة محمرة وشراوها
منين جاو ياكلوها مالقاوش الخبز، ناضو صيفطو واحد منهم يجيب ليهم الخبز
تسناوه ساعة ما جاش
تسناوه ساعتين ما جاش
تسناوه تلت سوايع ما جاش
طلع ليهم الدم، وقالوا صافي عيق، ملي يجي ياكل هو الخبز
وهو نيت يخرج ليهوم من مورا الباب، وقال ليهم: شفتوا كون مشيت؟
------------------------------------------------------------------------
4
هادا واحد معصب ما كيحملش يعاود الهدرة جوج مرات
مشى عند واحد الحانوت قال ليه: عندك الحليب؟
قال ليه مول الحانوت: لا
مشى المعصب عند حانوت اخر وقال ليه: و نتا؟
------------------------------------------------------------------------
5
واحد الغليض مشى عند الطبيب وقال ليه: بغيت ندير ريجيم، تقهرت بهاد الغلض
قال ليه الطبيب: كول نص خبزة ف الفطور، ونص خبزة ف الغدا، ونص خبزة ف العشا
قال ليه الغليض: واش قبل الماكلة أولا بعد منها؟
------------------------------------------------------------------------
6
هادا واحد الكداب كيعاود لصاحبو : مشيت أنا و مراتي لافريقيا، وڭلسنا فواحد لوطيل حدا الغابة
فالصباح، ڭلت لمراتي لبسي نهبطو نتساراو، لبسات مراتي حوايجها ف خمسة الدقايق وهبطنا
شوية خرج ليا سبع وانا نضربو بكروشية مات، زدنا وانا نلقا خمسة د السبوعة آخرين
بديت نضرب، ها اللول، ها التاني، ها التالت، وهوما يجيو ڭاع الحيوانات
وانا نطلع فوق الشجرة و بديت كنشير عليهم حتى قتلتهم كاملين
ورجعنا للوطيل، وانا نلقى سبع آخر
...
هنا بدا صاحبوا كيموت بالضحك
سولو الكداب: مالك أصاحبي كضحك؟
ڭال ليه صاحبو: ماحشمتيش تكذب؟ مراتك لبسات ف خمسة الدقايق؟
------------------------------------------------------------------------
7
علي وبراهيم تشاركوا ف حانوت
واحد النهار، ناض علي علق على الحانوت پلاكة مكتوب عليها بالفرنسية
Alimentation générale
جاء براهيم قرا الپلاكة وكعا، وهو يبدلها ودار فيها
Brahimentation générale
------------------------------------------------------------------------
8
واحد السيد ديما كتعايرو مرتو: الناس ݣاع مشاو للطاليان، ونتا باقي هنا
هو يقول ليها: شوفي، أنا غادي نجلس فالدار واحد الشهر، واللي يسولك علي، قولي ليه مشى للطاليان
قالت ليه واخا
اللي يسولها كتقول ليه راجلي مشا للطاليان
واحد النهار، سمع ولدو ضربو شي واحد ف الزنقة
هو يطل من الشرجم، وقال ليه: واخا عليك حتى نرجع من الطاليان ونوريك
------------------------------------------------------------------------
9
واحـد السيد نسيبــتو دارت كسيدة ضرباتــها طومـوبــيل
سولــوه : هــي دارت كسيدة وانت مال شـــلاقـــمك كـــحلين ؟
قــــال ليهم : شبـــعت بوســـان في الروايـــض
------------------------------------------------------------------------
10
واحد الموضف بغى يعيط للعساس يجيب ليه أتاي
وهو يغلط ف النمرة وصدق معيط على المدير ديالو
قال ليه: جيب ليا واحد أتاي للمكتب ديالي وطلق راسك أ الحمار
قال ليه المدير: واش عرفتي مع من كتهدر؟
قال ليه الموضف: لا
قال ليه المدير: أنا هو المدير أ الحيوان
قال ليه الموضف: ونتا عرفتي مع من كتهدر؟
قال ليه المدير: لا
قال ليه الموضف: إيوا الحمد لله
وهو يقطع</b>
واحد الدري سول باباه : بابا ! كيفاش الراجل خاصويكون ؟
قال ليه : شوف أولدي الراجل خاصو يدير اللي بغا يخرج وقتما بغا ويدخل وقتما بغا ويغوت كيما بغا وكلمتو هي لي تكون مسموعة و يتحكم ف كلشي و حتى واحد مايتحكم فيه..
هو يقول ليه الدري : آه أبابا حتى أنا ملي نكبر بغيت نولي راجل بحال ماما
واحد محشش وقف من مورا وحد المكلخ كيخرج لفلوس من البنك
داك المكلخ شاف لمحاشش كيضحاك
قالو مالك ??
جاوبو لمحشش ههه عرافت كلمة السر ديالك
قال لمكلخ وشنو هي
جاوبو لمحشش **** اربع ديال نجمات
قال لمكلخ ههه لا غلط 1846
الاستاد لدري : اش كتحلم دير?!
الدري : كنحلم نشد عشرة ألف درهم فالشهر بحال الوالد...
الاستاد :علاش باك كايشدهم !!!
الدري : لا حتى هو غير كايحلم ههههه
واحد السيد كان راكب ف بيكالة وصل العقبة وبدا كيدعي امولاي عبدالقادر أسدي بليوط ا الشيخ الكامل ا سيدي عزوز ا الاولياء الصالحين...
منين سال العقبة جات موراها واحد الحدورة بغا يشد الفران تقطعليه و بقا كيقول واااا هداو ما د فعوش كاملين ههههههههه
أب بينصح ولده الكسول قبل امتحان أخر السنة
.
.
.
.
قال له : يا ...ولدي
امتحاناتك قربت وقدامك طريقين
اما تنجح او تسقط .. اذا نجحت خير وبركة
اما اذا سقطت فقدامك طريقين
اما تصيع في الشوارع او
تسجل في العسكرية .. اذا صعت هعملك ايه
اما اذا دخلت العسكريه
فقدامك خيارين
اما الشرطه او الجيش .. اذا اخترت الشرطه
خير وبركه اما اذا اخترت
الجيش فقدامك خيارين
اما يوزعوك في القوات الاحتياطيه او على
الجبهه
لو حطوك فى ال
القوات الاحتياطيه خير ونعمه
اما اذا حطوك على الجبهه فعندك
احتمالين
اما ترد بالسلامه او تنضرب بقذيفه
اذا رجعت خير وبركه
اما اذا ضربتك قذيفه فقدامك طريقين
اما تشفى او تموت .. اذا
شفيت احمد ربك
اما اذا مت فقدامك طريقين
اما تاكلك الكلاب
او تتعفن
اذا اكلتك الكلاب خير وبركه
اما اذا عفنت فقدامك طريقين
اما
تتحول غاز طبيعي او بترول
اذا بقيت غاز خير وبركه
واذا تحولت نفط
فقدامك طريقين
اما يصدروك نفط خام او يكرروك في مصفات البترول
اذا صدروك
خير وبركه
اما اذا بيكرروك فقدامك طريقين
اما يحولوك
زيت شل او مواد تنظيف
اذا بقيت زيت خير ونعمه
اما اذا حولوك
مواد تنظيف فقدامك طريقين
اما تبقى صابون او تبقى ورق تواليت
اذا بقيت صابون خير وبركه
اما اذا بقيت ورق تواليت
؟؟؟؟؟؟؟؟ ...... !!!!!
فاحسن لك تنجح هههه
مغربي ڭالس مع واحد ميريكاني في القهوة
الميريكاني بغا يستهزأ من المغربي
.
وقالوا شنو كاين بين المغربي والحمار
.
االمغربي شاف فيه وقالوا كاين طابلة